З 19 па 23 верасня 2022 года ва ўстанове адукацыi “Гомельскi дяржаўны прафесiянальны аграрна-тэхнiчны лiцэй” прайшоў Тыдзень роднай мовы “Як ты дорага мне, мая родная мова!”
Найбольш значныя мерапрыемствы на гэтым тыднi:
Вусны часопiс «Моўны скарб роднага краю»
На мерапрыемстве навучэнцы з задавальненнем чыталi вершы беларускiх паэтаў i пiсьменнiкаў, выконвалі розныя інтэрактыўныя заданнi, пазнаёміліся з новымі словамі і фразеалагiзмамi i папоўнілі імі свой слоўнікавы запас.
Конкурс творчых пiсьмовых работ «За што я люблю родную зямлю»
У сваіх работах навучэнцы распавядалі пра любоў да роднага краю, мясцін, дзе нарадзіліся i выраслі, пра свае адносіны да роднай мовы. Успомнілі пра гераічнае мінулае нашай краіны і яе славутыя мясціны.
Iнфармацыйныя гадзiны «Аб родным краi роднай мовай»
Падлеткi з захапленнем слухалi пра гісторыю родныга краю, культуру і побыт беларускага народа, пра якія ім распавядалi выкладчыкi i куратары вучэбных груп.
Конкурс чытальнiкаў «Гiмн роднай мове»
У конкурсе прынялi ўдзел навучэнцы першага курса, што жывуць у iнтэрнаце. Гучалi вершы пра нашу мову Я. Коласа i Я. Купалы, М. Танка i П. Панчанкi, Я. Янiшчыц i С. Грахоўскага… Чытальнiкi прадэманстравалi не толькi багацце i прыгажосць беларускай мовы, але i праявiлi свае творчыя здольнасцi.
Анлайн-КВIЗ «Льецца мова»
Навучэнцы лiцэя яшчэ раз пераканалiся, што беларуская мова прызнана ЮНЕСКА другой у свеце па мiлагучнасцi пасля iтальянскай. Успомнiлi і некаторыя іншыя факты пра беларускую мову, аб якiх нельга забываць. Прайсцi квiз
У ходзе тыдня роднай мовы стартавала адкрытая дыстанцыйная акцыя
«Чытаем вершы пра родную мову»
Навучэнцы лiцэя праявiлi вялiкую цiкавасць да гэтай акцыi. На дадзены момант колькасць удзельнiкаў складае 35 чалавек. Першымi сталi сапраўдныя аматары беларускай паэзii Аляксандр Гладкоў i Дзянiс Шакаў.
Арганізатар акцыі, выкладчык беларускай мовы і літаратуры, прызывала падлеткаў чытаць вершы, размаўляць на беларускай мове, каб прачуць усю яе чароўнасць. Прапанавала абавязкова далучацца да акцыi!