Прадаўжаецца насычаны на мерапрыемствы прадметны тыдзень метадычнага аб’яднання сацыяльна-гуманітарнага цыкла. Чацвер, 12 мая, распачынаецца адкрытым вучэбным заняткам па вучэбным прадмеце “Беларуская мова”, які правяла выкладчык Наталля Аляксандраўна Аляшкевіч па тэме “Знакі прыпынку ў канструкцыях з чужой мовай”.
З мэтай павышэння якасці адукацыйнага працэсу і ўзроўню педагагічнага майстэрства паспяхова было прадэманстравана прымяненне сучасных спосабаў візуалізацыі вучэбнай інфармацыі: воблака слоў, інтэрактыўны плакат, інтэрактыўная прэзентацыя, QR-код і інш. На платформах LearningApps.org і Genial.ly выкладчык стварыла вельмі цікавыя і карысныя інтэрактыўныя заданні: КВІЗ “Так ці не”, ВЭБ-КВЕСТ “Сусветная экспедыцыя”.
Навучэнцы групы М 2-1 за час экспедыцыі пабывалі ў пяці краінах свету. На прыпынках з вялікай цікавасцю выконвалі інтэрактыўныя заданні, якія падрыхтавалі для іх жыхары гэтых краін. Асабліва зацікавіла рабят запошняе аданне, падчас выканання якога навучэнцы прадэманстравалі не толькі навыкі весці дыялог па-беларуску, але і трывалыя веды па вучэбным прадмеце “Тэхнічнае абслугоўванне і рамонт аўтамабіляў”.
Мэты вучэбнага занятку, праведзенага Аляшкевіч Н.А. у адпаведнасці з сучаснымі патрабаваннямі, былі поўнасцю дасягнуты.